Нам улууһун Бартыһааныгар Пионер күнүн бэлиэтээтилэр

19 мая 2019, 14:15

Бартыһааннар Пионерия 95 сылын уонна Дьиэ кэргэн күнүн көрсө, “СОМОҔОЛ” диэн тэрээһин ыыттылар. Бу күн тэрилтэлэр, төүлбэлэр, биирдиилээн дьиэ кэргэттэр субуотунньукка тахсан, нэһилиэктэрин ыраастаатылар. Бу үлэттэн оскуола оҕолоро, учууталлар туора турбатылар.


“Көмүлүөк” диэн нэһилиэк аҕа саастаахтарын түмсүүтэ үлэ дьонун минньигэс миининэн, үүттээх чэйинэн күндүлээтилэр. Тэрээһин үөрүүлээх чааһыгар пионер баһаатай Альбина Алексеева салайыытынан маршировка, речевка эттилиннэ, девизтээх ырыа ылланна. Дружина сэбиэтин председателэ Мария Ивановна Сыромятникова пионерия туһунан кэпсээтэ. Нэһилиэк баһылыга Алексей Зырянов Сомоҕо күнүнэн эҕэрдэлээтэ уонна пионерия 95 сыллаах бэлиэлэрин туттарда. Салгыы уруккуну-хойуккуну санаһа «Зарница» оонньоонно. «Ленининцы», «Орлята» уонна «Дружина Зои Космедьемянской» үс хамаандаҕа арахсан олус сэргэх, элбэх сорудаҕы толородулар. Маны «Мымах сиэннэрэ» түмсүү салайааччыта Нария Романова иилээн ыытта. Түмүккэ бастакы миэстэни «Дружина Зои Космедьемянской», иккис «Орлята», үһүс «Ленининцы» буоллулар. Кыайыылаахтар минньигэс торт бэлэх туттулар. Күммүт «Лапта» онньуунан түмүктэннэ.

Бу курдук олус сэргэх тэрээһин буолан ааста. Сылайары умнан тэбэнэттээх оҕо, эдэр сааспытын санаан астынныбыт.
Полина Скрябина, Бартыһаан

Читать оригинал статьи и комментарии на Ulus.Media
$:63
:71
¥:91
$12544.04
в Якутске 23°
завтра 23°