Тыайаҕа музей күнүгэр дуобатчыттар күрэхтэстилэр

19 мая 2019, 20:21

Тыайа нэһилиэгэр музей күнүгэр анаан дуобакка күрэхтэстилэр. Олохтоох түмэл дьиэтэ Кэбээйи улууһун маҥнайгы учуонайа П.С.Софронеев аатын үрдүктүк сүгэр. Мустубут дьон бэйэтин кэмигэр дуобаты өрө туппут чулуу киһи туһунан ахтан-санаан аастылар.


Тыайа олохтоох музейыгар П.С. Софронеев аатынан дуобакка турнир буолла. Санатар буоллахха, быйыл Кэбээйи улууһун маҥнайгы учуонайа П.С.Софронеев 100 саастаах үбүлүөйэ. Күрэхтэһиини түмэл үлэһитэ М.М.Дьяконова тэрийэн ыытта.

Тыайа нэһилиэгин бибилэтиэкэрэ Сюзанна Кондакова:

Улахан дьоҥҥо маҥнайгы миэстэни Обутов А.Н., иккиһи Кондаков В.С. үсүһү Кондаков С.В. ыллылар. Оҕолорго олус тыҥааһыннаах оонньуу буолла. Оскуолаҕа Федоров А.А. дуобакка секция ыытар буолан, оҕолор үчүгэйдик оонньуулларын көрдөрдүлэр. Маҥнайгы миэстэни Дьяконова Надя, иккиһи Кондакова Варя, үсүһү Захарова Фрося ыллылар. Кыттааччылар уонна кыайыылаахтар П.С.Софронеев кэргэнэ М.Т.Жиркова туруорбут бириистэрин туттулар. Бэйэтин кэмигэр П.С.Софронеев олус үлүһүйэн дуобакка оонньуурун дьон-сэргэ аҕыннылар. «Алаас» эбээ түмсүүтэ эҕэрдэ кэһиилээх кэлэн тэрээһини сэргэхситтэ.

Ааптар: Анисья Спиридонова

Читать оригинал статьи и комментарии на Ulus.Media
$:63
:71
¥:91
$12547.74
в Якутске 24°
завтра 23°