Абый улууһугар Доҕордоһуу киинин арыйдылар

12 июня 2019, 16:37

Арассыыйа күнүгэр Абый улууһун киинигэр Доҕордоһуу киинэ үөрүүлээх быһыыга арылынна. Кэскиллээх тутуу олохтоох көҕүлээһиннэри өйүүр бырагырааманан барда. Инникитин таһыгар дьон сынньанарыгар табыгастаах искибиэр баар буолуо.


Абый улууһун баһылыга Станислав Цюхцинскай, бөһүөлэк баһылыга Николай Новиков эҕэрдэлээтилэр. Улуус култууратын управлениетын начальнига Жанна Новикова чөлүгэр түһэриллибит дьиэҕэ араас көлүөнэ дьон мустуоҕа диэн эттэ. Маны тэҥэ кыраайы үөрэтэр музей эмиэ көһөн кэллэ. Даҕатан эттэххэ, тутуу олохтоох көҕүлээһиннэри өйүүр бырагырааманан барда. Инникитин иккис түһүмэххэ улахан саала арыллыахтаах.

Киин арыллыытыгар алгыс тылын маанытын Аркадий Егоров эттэ. Сиэлинэн өрүүгэ, кыбытыгынан аттаран тигиигэ маастар кылаастар үлэлээтилэр.

Музейга экскурсияны Сергей Голиков ыытта, манна сыаналаах экспонаттар баалларын кэпсээтэ. Ол курдук былыргы маҥнайгы «Отто Шмитд» борохуот, Зашиверскай куорат макеттара, Мааман унуохтарын тоорумалара туспа хоско тураллар.

Ааптар: Галина Матвеева

Читать оригинал статьи и комментарии на Ulus.Media
$:63
:71
¥:91
$12577.87
в Якутске 23°
завтра 23°