Күөрэлээххэ Арассыыйа күнүгэр фонтан үлэлээтэ

12 июня 2019, 18:59

Бэс ыйын 12 күнүгэр, Арассыыйа кунугэр Күөрэлээххэ оҕо былаһааккатын уонна фонтан аһыллыытын үөрүүлээх түгэнэ буолла. Оҕо-аймахха дьоһун бэлэх оҥоһуллан, үгүс оонньуулар, күрэхтэһиилэр тэрилиннилэр.


Былаһаакканы арыйар аалай лиэнтэни быстылар нэһилиэк баһылыгын солбуйааччыта В.В.Тимофеев, Күөрэлээх орто оскуолатын дириэктэрин солбуйааччы В.Ю.Игнатьева, уонна «Айылгы» оҕо саадын иитээччитэ, нэһилиэк депутата М.П.Яковлева.

Баһылык солбуйааччыта В.В.Тимофеев бу бырааһынньыктааҕы түгэҥҥэ мустубут оҕолору эҕэрдэлээн туран бырайыагы суруйан олоххо киллэрсибит оскуола учууталларыгар В.Ю.Игнатьеваҕа, В.Е.Ковроваҕа, оскуола үөрэнээччитигэр Дарина Петроваҕа, студент аатын сүгэ сылдьар Ньургустана Ковроваҕа, уонна фонтаны оҥорон үлэлэппит А.А.Яковлевка нэһилиэк дьаһалтатын аатыттан грамоталары туттартаата.

Дьоро тэрээһин кэнниттэн мустубут оҕолорго араас куонкурустар, оонньуулар өргө диэри ыытылыннылар.

Ааптар: «Үлэ күүһэ» хаһыат

Читать оригинал статьи и комментарии на Ulus.Media
$:64
:71
¥:90
$10234.71
в Якутске
завтра