Дьаархаҥҥа спорт былаһаакката аһылынна

12 июня 2019, 19:28

Бүгүн күнүс 14 чаастан Дьаархаҥҥа спорт былаһаакката үөрүүлээхтик аһылынна. Күүтүүлээх саҥа эбийиэк үлэҕэ киириитэ Ньурба улууһугар Арассыыйа күнүн биир кэрэ-бэлиэ түгэнинэн буолла.


Дьаархан нэһилиэгин баһылыга Павел Александров иһитиннэрэринэн, бу эбийиэк олохтоох көҕүлээһиннэри өйүүр бырагыраама чэрчитинэн тутуллан үлэҕэ киирдэ. Хаһаайыстыбаннай ньыманан олохтоох дьаһалта уонна нэһилиэнньэ күүһүнэн тутулунна. СӨ Спорт министиэристибэтэ биэрбит 7 тренажердарын таһынан, «Трамплин» ХЭТ эбии тренажердары аҕалбыта. Спортивнай хонуута нэһилиэк кэлим социальнай-экэнэмиичэскэй сайдыытыгар көмө харчытын суотугар оҥоһуллубута.

Олохтоохтортон 3 биригээдэ тэриллэн үлэлээтэ. Марха муостатын тутуутугар уонна муостаҕа киириигэ суолу оҥорор «Сибмост» ХЭТ уонна «Сахадороги» тэрилтэ көмөлөстүлэр. Былаһаакка 120 м усталаах сүүрэр дорожкалаах, футбол, волейбол уонна баскетбол оонньонор хонуулаах, 40 киһи олорор миэстэлээх, трибуналаах, 10-тан тахса тренажердаах. Үлэҕэ-хамнаска олус көхтөөх нэһилиэк олохтоохторо спордунан дьарыктаналларыгар уонна доруобуйаларын тупсарыналларыгар анаан, бэртээхэй эбийиэк силигэ ситэн үлэҕэ киирдэ.

Үөрүүлээх тэрээһиҥҥэ улуус дьаһалтатын эппиэттээх үлэһиттэрэ Вероника Кириллова, Лариса Николаева, Ньурба куорат баһылыга Александр Иванов, Чаппанда нэһилиэгин баһылыга КраснославБухолов уонна да атыттар кытыннылар.

Спорт былаһаакката аһыллар тэрээһинигэр тоҕооһуннаран, футболга күрэхтэһии ыытылынна. Мархаттан, Чаппандаттан, Антоновкаттан уонна Дьаархантан барыта 6 хамаанда оонньоото.

Ааптар: Геннадий Антонов

Читать оригинал статьи и комментарии на Ulus.Media
$:63
:71
¥:91
$12561.83
в Якутске 23°
завтра 23°