Уус Алдаҥҥа худуоһунньуктар көрүү-күрэхтэрин аан бастаан тэрийдилэр

11 сентября 2019, 20:54

Уус Алдан улууһугар Геройдар сылларыгар анаан самодеятельнай уонна анал үөрэхтээх худуоһунньуктарга «Өбүгэ кута – олох көмүс утаҕа» аһаҕас күрэх ыытылынна. Бү көрүү ойуулуур-дьүһүннүүр искусствоны оройуоҥҥа сайыннарар, геройдар сырдык мөссүөннэрин үйэтитэр, ааттарын ааттатар, нэһилиэнньэ араас араҥатын талааннарын арыйар, үөрүйэхтэрин, билиилэрин дириҥэтэр сыаллаах тэрилиннэ.


Уус Алдан улууһугар бу бастакы сонун күрэх айылҕа маанылаан айбыт хатыҥ чараҥар буолан ааста. Улуус культураҕа управлениетын начальнига И.И. Аммосов, улуус үөрэҕин управлениетын иитэр үлэҕэ отделын исписэлииһэ Н.Н. Находкин, “Үһүс саас оскуола” түмсүү салайааччыта Д.Н. Бурнашева уонна бу көрүү – күрэҕи ыытыахха диэн этиини киллэрбит “Кустук” изостудия салайааччыта С.С. Рожина кыттааччыларга эҕэрдэ тылларын тиэртилэр.

Тэрээһин биир сүрүн соругунан Уус Алдан улууһуттан тахсыбыт худуоһунньуктар ааттарын ааттатар, дьоҥҥо-сэргэҕэ билиһиннэрэр сыаллаах – соруктаах ыытылынна. Улуустан төрүттээх худуоһунньуктар Сойуустарын чилиэннэрин туһунан кэпсиир, билиһиннэрэр улахан быыстапка бү күн турда.


Көрүү-күрэххэ барыта 20 киһи кытынна. Маны таһынан, 2-с түһүмэххэ «Нэлээн АРТ — 2019» пленэргэ көмүс өҥүнэн сууламмыт күһүҥҥү Нэлээн көстүүтүн уруһуйдаатылар. Бу түһүмэххэ 10 киһи кыттыыны ылла.

Кыайыылаахтарынан буоллулар: 1 тиэмэҕэ – «Улуу геройдарбыт олохторун суола» түһүмэххэ самодеятельнай худуоһунньуктар икки ардыларыгар:
1 миэстэ – Бурцев Михаил Афанасьевич, 2 миэстэ – Рожина Саргылана Семеновна, 3 миэстэ – Егорова Любовь Васильевна буоллулар.

“Олох суолун үйэтитэн” анал бириис хаһаайкатынан буолла Горохова Варвара Михайловна.

Анал үөрэхтээх худуоһунньуктар ортолоругар: 1 миэстэ – Колодезников Федот Константинович, 2 миэстэ – Аммосова Сусанна Семеновна, 3 миэстэ – Павлова Наталья Васильевна, “Үлэ дьоруойун үйэтитэн” анал аат хаһаайкатынан буолла Кэптэниттэн Колесова Анастасия Михайловна.

2 тема – «Өтөх дэнэр биһик сирбит, ойуу тылынан ыллаата» тиэмэҕэ самодеятельнай худуоһунньуктар икки ардыларыгар кыайыылаахтарынан буоллулар:
1 миэстэ – Бурцев Михаил Афанасьевич, 2 миэстэ – Баатаҕайтан Готовцев Николай Семенович үлэтэ, 3 миэстэ – Тролукова Айталина Николаевна, Дьокуускай куораттан. “Өбүгэ тойуга” анал бириис хаһаайкатынан буолла Румянцева Ксения Антоновна.

Анал үөрэхтээх худуоһунньуктар ортолоругар: 1 миэстэ – Колодезников Федот Константинович, 2 миэстэ – Аммосова Сусанна Семеновна, 3 миэстэ – Портнягина Евдокия Яковлевна.

2-с түһүмэххэ «Нэлээн АРТ — 2019» Пленэргэ самодеятельнай худуоһунньуктар икки ардыларыгар кыайыылахтарынан буоллулар Куличкин Петр Дмитриевич, Румянцева Ксения Антоновна, Заболоцкая Варвара Афанасьевна. “Күһүҥҥү киистэ абылаҥа” анал бириис хаһаайкатынан буолла Кириллова Валентина Николаевна.
Анал үөрэхтээх худуоһунньуктар ортолоругар Колесова Анастасия Михайловна, Колодезников Федот Константинович, Сыроватская Розалия Тимоновна кыайыы өрөгөйүн биллилэр.
“Күһүҥҥү киистэ абылаҥа” анал бириис хаһаайкатынан буолла Портнягина Евдокия Яковлевна.

Улууска бастакытын ыытыллыбыт «Өбүгэ кута – олох көмүс утаҕа» тэрээһини өйөөн күүс-көмө буолбут бары спонсордарбытыгар тэрийээччилэр ааттарыттан улахан махталбытын тиэрдэбит. Кыттааччыларга, тэрийээччилэргэ, көмөлөспүт бар дьоммутугар куруутун бу курдук кэрэни кэрэхсии, үйэлээҕи үйэтитэ тураргытыгар, үлэҕит-хамнаскыт таһаарыылаах буоларыгар баҕарабыт, — диир Федорова А.Е., култуура управлениетын кылаабынай исписэлииһэ.

«Мүрү саһарҕата» хаһыат

Читать оригинал статьи и комментарии на Ulus.Media
$:64
:71
¥:90
$10231.33
в Якутске
завтра