Куокуйга учууталлары уонна иитээччилэри чиэстээтилэр

9 октября 2019, 18:01

Куокуйга «Угуйаан» сынньалаҥ киинигэр учуутал уонна иитээччи идэлээхтэри чиэстээһин буолан ааста. Элбэх эҕэрдэ иһирэх тыллара этилиннилэр, бастыҥ үлэһиттэр махтал суруктарынан, харчынан бэлиэтэннилэр.


Эбии үөрэхтээһин учуутала Павлова Антонина Петровна СӨ үөрэҕириитин туйгуна аатын ылбытын Куокуй олохтоохторо дохсун ытыс тыаһынан көрүстүлэр. Антонина Петровна олус кыһамньылаах үлэһит, өр кэмҥэ оскуола учаастагын салайан үлэлэппитэ, уопуттаах педагог-бибилэтиэкэр. Оскуола дириэктэрэ Дьяконова Анна Григорьевна бу улахан кэлэктииби салайан олорор, кэнники сылларга учууталлар, оҕолор үлэҕэ-үөрэххэ көрдөрүүлэрэ үрдээн иһэрэ олохтоох дьону үөрдэр.

Куоку орто оскуолатыгар элбэх сыл үлэлээбит дириҥ билиилээх учуталлар бааллар: Павлова Г. П.,Сметанина Т. А., Гуляева С. Н., Игнатьева В. М., Дьячковскай А. Д., Софронеева И. Н.Унарова С. Н., Гуляева А. М.,Новгородова Е. А,. Еремеева И. У. уо.д.а. үрдүк таһаарыылаахтык үлэлииллэр. Бэтэрээн учууталлары эмиэ умнубаппыт, кинилэр ортолоругар бааллар Кобяков Г. А., Кобякова Е. М., Васильева З. С., Максимова Е. В., Павлова А. А.,”Ача” оҕо кыһатын салайааччыта Полятинская Мария Семеновна кэлэктиибэ эмиэ айымньылаахтык үлэлиир. Кинилэр быйыл Грант сүүйэннэр, Москва куоракка баран кэлбиттэрэ. Оҕо кыһатыгар үрдүк билиилээх иитээччилэринэн буолаллар — Игнатьева Р. П., Лоботова С. В., Дьяконова Н. А., Полятинская С. Д., Гуляева М. Б., Каратаева С. А. Түөлбэ салайааччылара кинилэргэ махтал суруктары, сэмэй бэлэхтэри туттардылар. Эҕэрдэ кэнсиэргэ Куокуй биллэр ырыаьыттара Иванова В. П., Игнатьева О. И., Иванов Г. Г., Петрова Т. Г,, Спиридонов Н. С., Игнатьева О. И. саҥа ырыалары ыллаан бэлэх ууннулар. Оҕолор саҥа тэтимнээх үҥкүүлэринэн көрөөччүлэри үөртүлэр, онтон 7-с кылаас уолаттара ийэлэрин кытта вальс үҥкүүлээннэр сөхтөрдүлэр. Эҕэрдэ киэһэ көрдөөх-таайбараҥ оонньуунан, үҥкүү киэһэтинэн түмүктэннэ.

Ааптар: Варвара Спиридонова

Читать оригинал статьи и комментарии на Ulus.Media
$:64
:71
¥:90
$8203.89
в Якутске -7°
завтра -6°