Солоҕоҥҥо харыйа уота умайда

3 декабря 2019, 09:27

“Зима начинается с Якутии” бэстибээл чэрчитинэн Горнай Солоҕонугар саҥа үүнэр сыл бэлиэтэ – Харыйа уота сандаарда. Саҥа дьыл кыра оҕотуттан саҕалаан улахан дьонугар тиийэ күүтэр саамай бэһиэлэй, көрдөөх-нардаах бырааһынньыктара.


Бырааһынньыктыы киэргэммит Солоҕоннооҕу сынньалаҥ киинигэр мустубут оҕолору, төрөппүттэри, ыалдьыттары нэһилиэк аҕа баһылыга Алексей Николаевич Захаров саҥа сыл иһэринэн эҕэрдэлээтэ. Оҕону кэрэ эйгэҕэ иитэр “Дьэргэлгэн” оҕо тэрилтэтин үҥкүүтэ, оҕо уһуйаанын иитиллээччилэрин хоһоон ааҕыылара, спортинструктор Адина Дмитриевна, физкультура учуутала Любовь Александровна “Кыһыҥҥы Олимпиада” диэн ааттаан оскуола оҕолоругар ыыппыт күөн-күрэстэрэ ситэрэн биэрдэ. Бу кэннэ үгэскэ кубулуйбут Аҕа баһылык оонньотор “Строганина” тоҥ балыгы кыһыыга күрэх ыытылынна. Манна кыайыылааҕынан Радион Павлов буолла.
Киэргэллээх сыарҕалаах атынан кэлбит Эһээ Дьыл сиэнэ кыыһынаан бар дьону эҕэрдэлээн туран харыйа уотун уматтылар. Бэлиэ тэрээһин фейерверк ытыынан түмүктэннэ.

Ааптар: Анна Дормидонтова.

Читать оригинал статьи и комментарии на Ulus.Media
$:64
:71
¥:91
$7495.14
в Якутске -44°
завтра -41°