Депутатскайдар Олоҥхо дьыктаанын суруйдулар

3 декабря 2019, 10:15

Депутатскай бөһүөлэгин киин библиотекатыгар Олоҥхо национальнай күнүгэр аналлаах Өрөспүүбүлүкэтээҕи Декада чэрчитинэн, “Олоҥхо дьыктаана” аахсыйа ыытылынна. Аахсыйаийэ тыл барҕа баайын иҥэриммит олоҥхо тылын-өһүн таба суруйар үөрүйэҕи олохсутар-иҥэрэр сыаллаах.


Дьыктаан тиэкиһин – “Дьырыбына Дьырылыатта Кыыс Бухатыыр” олоҥхоттон быһа тардыыны саха тылын учуутала Күннэй Слепцова аахта.
Олоҥхо дьыктааныгар идэтиттэн, сааһыттан тутулуга суох элбэх киһи кэлэн, фольклорбут улуу чыпчаал айымньытын истэн, суруйан көхтөөхтүк кыттыбыттара үөрдэр. Уопсайа уон түөрт кыттааччыттан туйгун сыанаҕа биир, үчүгэй сыанаҕа аҕыс кыттааччы суруйда. Бу олус үчүгэй көрдөрүү. Бэйэм ааппыттан убаастабыллаах дьоммор барҕа махталбын, эҕэрдэбин тиэрдэбин. Өссө да төрөөбүт тылбытын өрө тутан, сайыннаран иһиэҕиҥ.Киин библиотека үлэһиттэригэр маннык үчүгэй, киэҥ хабааннаах аахсыйаны тэрийбиттэрин иһин махтанабын”, – диир Күннэй Сергеевна.
Санатан эттэххэ, маннык тэрээһин сэтинньи 24-30 кк. Саха сирин бары муннуктарыгар буолла. Туйгуннар испииһэктэрэ, бастыҥ көрдөрүүлээх улуустар ааттара (1-3 миэстэлэр) ахсынньы 10 күнүгэр olonkho.info портал “Олоҥхо дьыктаана” балаһатыгар тахсыаҕа.


Өрөспүүбүлүкэ үрдүнэн бу тэрээһини иилээн-саҕалаан Национальнай библиотека, ХИФУ Олоҥхону чинчийэр научнай института, Олоҥхо Ассоциацията ыыттылар.
Олоҥхо дьыктаана үрдүк таһымҥа ааста диэн бэлиэтиэххэ наада. Ыҥырыыбытын ылынан элбэх киһи кэлэн кыттыбытыттан үөрдүбүт. Ону таһынан, соторутааҕыта, тест быһыытынан Хомус дьыктаанын ыыттыбыт”, – диэн “Олохтоох дьаһалталар икки ардыларынааҕы библиотекаларын кииннэммит тиһигэ” директорын эбээһинэһин толорооччу Виктория Рожина кэпсээтэ.

Ааптар: Мирослава Федотова.

Читать оригинал статьи и комментарии на Ulus.Media
$:64
:71
¥:91
$7420.57
в Якутске -41°
завтра -41°